МОНГОЛ УЛСЫН ИХ ХУРЛЫН СОНГУУЛИЙН САНАЛ АВАХ АЖИЛ ЭХЭЛЛЭЭ
Гадаад улсад байгаа иргэдийн санал авах ажлыг зохион байгуулах Бүгд Найрамдах Чех Улсын Прага хот дахь 24 дүгээр Салбар комисс сонгуулийн санал авах ажлыг 2024 оны 6 дугаар сарын 20-ны өдрийн 07:00 цагт эхлүүлэв. Тус Салбар комисст санал өгөхөөр нийт 443 сонгогч урьдчилан бүртгүүлж, сонгогчдын жагсаалтад бүртгүүлсэн болно.
Бүртгэл нь баталгаажсан иргэд 2024 оны 6 дугаар сарын 20, 21, 22, 23-ны өдрүүдийн аль нэгэнд 07:00-22:00 цагийн хооронд ЭСЯ-нд ирж саналаа өгнө үү. Санал өгөхөөр ирэхдээ өөрийн Монгол Улсын иргэний үнэмлэх эсвэл Үндэсний гадаад паспортаа авч ирээрэй.
ЖИЧ: 2024 оны 6 дугаар сарын 14-ний дотор санал өгөх сонгогчдын жагсаалтад бүртгүүлээгүй иргэн сонгуульд санал өгөх боломжгүй.
Гадаад улсад байгаа иргэдээс санал авах ажлыг зохион байгуулах Прага дахь Салбар комисс
